Aqseleý Seıdimbek árbir qazaq balasynyń ıdealy bolýy tıis - Á.Kekilbaev
ASTANA. 6 jeltoqsan. QazAqparat - Men Aqseleý Seıdimbekti árbir qazaq balasy umtylatyn ıdeal dep túsinemin.
Búgin Astanada bastalǵan «Aqseleý Seıdimbek: ǵylymı murasy jáne Táýelsizdik» atty konferentsııada memleket jáne qoǵam qaıratkeri, Qazaqstannyń Eńbek Eri, jazýshy Ábish Kekilbaev osylaı aıtty.
«Qazaq kezinde qandaı boldy?», - dep surasa, men Aqseleýdi kórsetip: «Qazaq deıtin mynaý bolady!», - dep aıtar edim. «Qazaq bolashaqta qandaı bolady?», - dep surasańyz, taǵy sol Aqseleýdi kórsetip: «Qazaq deıtin mynandaı bola alady?», - deıtin edim. Qysqasy, men Aqseleý Seıdimbekti búginde árbir qazaq balasy umtylatyn etalon, árbir qazaq balasy umtylatyn ıdeal dep túsinemin. Men qazaq halqyna Aqseleýdi bergeni úshin rızamyn», - deıdi Á.Kekilbaev.
