Aqsaıdaǵy tamaqtan ýlaný: 9 adam dárigerge júgingen
ORAL. QazAqparat – Aqsaı qalasynda tamaqtan jappaı ýlanǵan adamdar sany 9-ǵa jetti, dep habarlaıdy QazAqparat tilshisi.
QazAqparat budan buryn jazǵanyndaı, Aqsaıda 6 adam tamaqtan ýlanyp, aýrýhanaǵa túsken bolatyn.
BQO sanıtarlyq-epıdemıologııalyq baqylaý departamenti naqtylaǵanyndaı, ótkir gastroenterokolıt degen kúdikpen barlyǵy 9 adam dárigerge júgingen.
Bulardyń altaýy aýdandyq aýrýhananyń juqpaly aýrýlar bólimshesine, sonyń ishinde ekeýi jansaqtaý bólimine jatqyzylǵan. Kúni búgin naýqastardyń bári juqpaly
aýrýlar bólimshesinde. Sonymen qatar 3 adam ambýlatorlyq em alýda. Olardyń barlyǵynyń jaǵdaıy ortasha aýyr.
Bórli aýdany sanıtarlyq-epıdemıologııalyq baqylaý basqarmasynyń mamandary teksergen kezde kompanııanyń 7 qyzmetkeri 10 mamyr kúni Qarashyǵanaq gazmunaı kondensaty kenishinde ornalasqan ashanalardyń birinde keshki tamaq ishkeni anyqtaldy. Eki qyzmetker tamaqty úıge
alyp ketken. Sonyń saldarynan otbasynyń eki múshesi ýlandy.
«Aýrýhanaǵa túsken kezde naýqastardyń bári ishi ótip, qusqany, dene qyzýynyń kóterilgeni jóninde aıtyp, shaǵymdanǵan. Qazirgi tańda atalǵan ashanaǵa qatysty jospardan tys tekserý bastaldy, zerthanalyq zertteýler júrgiziledi. Epıdemıologııalyq tekserý jumystary jalǵasýda», dep habarlady vedomstvodan.
Eske sala keteıik, budan buryn Oral qalasynda eki avtokólik soqtyǵysyp, úsh balanyń zardap shekkenin jazǵan bolatynbyz.
