Aqsaıdaǵy gaz quıý stansasyndaǵy órtke turmystyq gaz ballonynyń janýy sebep bolǵan - prokýratýra
Bórli aýdany prokýratýrasynan túsken málimetke qaraǵanda, bul osy oqıǵaǵa baılanysty aýdandyq ishki ister bólimi QR QK 156-baby 4-bóligine sáıkes (eki jáne odan kóp adamnyń ólimine soqtyrǵan eńbek qorǵaý erejesin buzý) qylmystyq is qozǵap, tergeý júrgizý barysynda órt-tehnıkalyq zertteý qorytyndysynan keıin belgili boldy.
Qazirgi kezde BQO boıynsha eńbek ınspektsııasy basqarmasy jumys berýshi men qyzmetkerdiń kinásin anyqtaý maqsatynda arnaıy tekserý júrgizýde. Kináli adamdardy qylmystyq jaýapkershilikke tartý máselesi osy tekserý qorytyndysy boıynsha sheshiletin bolady.
Eske sala keteıik, atalmysh gaz quıý stansasyndaǵy órt pen eki tsısternadaǵy jarylystan keıin 58 jáne 59 jasar eki adam qatty kúıik alyp, sonyń saldarynan keıin kóz jumǵan bolatyn. Olardyń biri sol stansa operatory, ekinshisi kóligine gaz quıýǵa kelgen júrgizýshi edi.
Stansa «Alaý» JShS-yna tıesili.