Aqsaıda jastar jappaı tóbelesip, úsheýi pyshaq jaraqatyn aldy
ORAL. QazAqparat – Aqsaı qalasynda jastar jappaı tóbelesip, úsheýi pyshaq jaraqatyn aldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa 3 aqpan kúni oryn aldy.
Saǵat 08.10 shamasynda Bórli aýdandyq ortalyq aýrýhanasyna 1994, 1997 jáne 1997 jylǵy jastar pyshaq jaraqatymen jetkizilgen.
Osy qylmysqa kúdikti retinde Aqsaı qalasynyń 1996, 1997, 1996 jáne 2001 jylǵy turǵyndary ustaldy.
Qazirgi kezde QR QK 106-baby 2-bóligine (eki nemese odan da kóp adamǵa qatysty densaýlyqqa qasaqana aýyr zııan keltirý) sáıkes qylmystyq is qozǵalyp, tergeý amaldary júrgizilýde.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jaraqat alǵandardyń úsheýine de ota jasalǵan. Jaǵdaılary ózgerissiz, birqalypty, aýyr.
