Aqsaıda úsh jasar sábı 9-qabattan qulap kóz jumdy
ORAL. QazAqparat - Aqsaı qalasynda toǵyzynshy qabattan qulap ketken úsh jasar bala kóz jumdy, dep habarlaıdy QazAqparat tilshisi.
BQO densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, ul bala 16 sáýir kúni kóz jumdy.
Oqys oqıǵa 8 sáýir kúni oryn aldy. 2015 jylǵy bala Bórli aýdandyq aýrýhanasynyń jansaqtaý bóliminde segiz kún boıy esin jımaı jatyp, qaıtys boldy.
Eske sala keteıik, budan buryn Aqsaıda úsh jasar balanyń toǵyzynshy qabattyń balkonynan qulap ketkenin jazǵan bolatynbyz. Sondaı-aq Oralda joǵalyp ketken áıeldiń denesi tabyldy.
