Aqsaıda topyraq basyp qalǵan jumysshylardyń jaǵdaıy qalypty
ORAL. QazAqparat - Aqsaı qalasynda jylý qubyrlaryn jóndeý kezinde keshe topyraq basyp qalǵan «Aqsaıjylýqýat» MKK-nyń qos jumysshysy qazir Oraldaǵy oblystyq klınıkalyq aýrýhanada emdelýde, dep habarlaıdy «QazAqparat» tilshisi.
BQO densaýlyq saqtaý basqarmasy basshysynyń orynbasary Nurdanat Berkinǵalıdyń aıtýynsha, ekeýi de basynan jaraqat alyp, mıy shaıqalǵan. Bireýiniń qabyrǵalary synǵan. Qazir travmatologııa bólimshesinde em alýda, jaǵdaılary qalypty.
BQO boıynsha eńbek ınspektsııasy basqarmasynyń basshysy Azamat Aıtýevtyń sózine qaraǵanda, oqıǵa keshe saǵat 17.00-de kete bolǵan. Sonyń saldarynan bir jumysshy qaza taýyp, ekeýi jaraqat aldy. Osy oqıǵaǵa baılanysty arnaıy komıssııa qurylyp, tekserý jumystary júrgiziletin bolady.
Eske sala keteıik, Batys Qazaqstan oblysynda aryq ishinde qurylys jumystaryn júrgizip jatqan jumysshylar topyraq astynda qalǵandyǵy týraly habarlaǵan bolatynbyz. Osy oqıǵa boıynsha QR QK 156-baby 3-bólimine sáıkes (adam ólimine soqtyrǵan eńbek qaýipsizdigi erejesin saqtamaý) qylmystyq is qozǵaldy.
