Aqsaıda pyshaq jaraqatynan er adam kóz jumdy
ORAL. QazAqparat – Aqsaı qalasynda pyshaq jaraqatynan 32 jastaǵy er adam qaza tapty, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkenindeı, oqıǵa 27 qyrkúıek kúni saǵat 01.18 shamasynda Shyńǵyrlaý kóshesinde boldy.
32 jastaǵy A. degen turǵyn 1988 jylǵy S-ǵa pyshaq suqqan. Sonyń saldarynan 32 jastaǵy er adam Bórli aýdandyq aýrýhanasynyń jansaqtaý bóliminde esin jııa almastan kóz jumdy.
Sot-medıtsınalyq saraptama aktisine sáıkes marqum sol jambasynan jaraqat alǵan, pyshaq kúre tamyryn qıyp ketken.
Kúdikti QR Qylmystyq is júrgizý kodeksiniń 128-babyna sáıkes Bórli aýdany polıtsııa bóliminiń ýaqytsha oqshaýlaý ızolıatoryna qamaldy.
Qazirgi kezde QR QK 106-baby 3-bóligine (abaısyzda jábirlenýshiniń ólimine ákep soqqan densaýlyqqa qasaqana aýyr zııan keltirý) sáıkes sotqa deıingi tergeý amaldary júrgizilýde.
Eske sala keteıik, budan buryn BQO-da avtokólik ózenge qulap, bir adamnyń qaza tapqanyn jazǵan bolatynbyz.
