Aqsaıda kolledj stýdentin pyshaqtap óltirgen kúdikti ustaldy
ORAL. QazAqparat - Aqsaı qalasynda kolledj stýdenti pyshaq jaraqatynan kóz jumdy, dep habarlaıdy QazAqparat tilshisi.
BQO densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, oqıǵa 13 qańtar kúni tańda boldy.
17 jastaǵy bozbala Bórli aýdandyq ortalyq aýrýhanasyna saǵat 06.36-da túsken. Saǵat 07.12-de ol qaıtys boldy.
BQO polıtsııa departamentiniń baspasóz qyzmeti bolǵan oqıǵany rastap, kúdiktiniń ustalǵanyn jetkizdi. Ol ýaqytsha oqshaýlaý ızolıatoryna qamaldy.
Qazirgi kezde QR QK106-baby 3-bóligine sáıkes (abaısyzda jábirlenýshiniń ólimine ákelip soqqan densaýlyqqa qasaqana aýyr zııan keltirý) tergeý amaldary júrgizilýde.
