Aqsaıda gir sportynan Qazaqstan chempıonaty márege jetti (FOTO)
ORAL. QazAqparat - Aqsaı qalasynda gir sportynan jastar, jasóspirimder men qyzdar arasynda Qazaqstan chempıonaty márege jetti.
BQO dene shynyqtyrý jáne sport basqarmasynan túsken málimetke qaraǵanda, elimiz oblystarynan qatysqan myqty komandalar arasynan batysqazaqstandyqtar da júldegerler qatarynan kórindi. Atap aıtqanda, jasóspirimderden Rasýl Tóleýov 85 kg, qyzdardan Roza Vardanıan 68 kg salmaqta kúmis júldeger atandy. Andreı Naýgolnyı jastar arasynda 95 kg salmaqta qola júldeni ıelendi. Komandalyq estafetada BQO quramasy úshinshi oryndy enshiledi. Al Vıktor Drýzık halyqaralyq dárejedegi sport sheberi normatıvin oryndady.
Sportshylardy gir sportynan BQO quramasynyń aǵa bapkeri Murat Ibatov daıyndady.
