Aqsaıda gaz jarylysynan jaraqat alǵan áıel qaıtys boldy
ORAL. QazAqparat – Aqsaı qalasynda gaz jarylysynan jaraqat alǵan áıel qaıtys boldy, dep habarlaıdy QazAqparat tilshisi.
Bórli aýdandyq aýrýhanasynan alynǵan málimetke qaraǵanda, «Aqsaıjylýqýat» MKK-nyń káriz-tazartý qurylymy ǵımaratynda bolǵan jarylystan keıin 1967 jylǵy tehnolog áıel 65 paıyz dene jaraqatyn alǵan edi.
Aýrýhana dárigerleri áıeldiń ómiri úshin barynsha kúreskenimen, qatty kúıip qalǵandyqtan, marqum kóz jumdy.
BQO polıtsııa departamentiniń baspasóz qyzmeti málim etkenindeı, qazirgi kezde atalǵan oqıǵa boıynsha QR QK 156-babyna (eńbekti qorǵaý qaǵıdalaryn buzý) sáıkes tergeý amaldary júrgizilýde.
Eske sala keteıik, budan buryn Aqsaı qalasynda gaz jarylysynan bir adamnyń mert bolǵanyn jazǵan edik.
