Aqsaıda er adamdy atyp ketkender ustaldy
ORAL. QazAqparat - Aqsaı qalasynda budan úsh jyl buryn er adamdy atyp ketkender ustaldy, dep habarlaıdy QazAqparat tilshisi.
BQO polıtsııa departamenti baspasóz qyzmetinen túsken málimetke qaraǵanda, oqıǵa 2015 jyly er adamnyń óz úıiniń aýlasynda bolǵan edi. Kúdiktilerge qatysty qamaýda ustaý bultartpaý sharasy qoldanyldy.
Qazirgi kezde polıtsııa departamentiniń tergeý basqarmasy QR QK 99-baby 2-bóligine sáıkes (kisi óltirý) sotqa deıingi tergeý amaldaryn júrgizýde.
Eske sala keteıik, budan buryn Aqsaı qalasynda belgisiz bireýlerdiń er adamdy atyp ketkenin jazǵan bolatynbyz. Marqum aqsha aıyrbastaýmen aınalysqan.
