Aqsaıda er adam jumystasyn uryp óltirdi

ORAL. QazAqparat – Aqsaı qalasynda er adam jumystasyn uryp óltirdi, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, aýyr dene jaraqattary saldarynan 47 jastaǵy er adam kóz jumdy.

Páterde ýaqytsha birge turyp jatqan eki er adam bir-birimen sózge kelgen. Janjal sońy tóbeleske ulasqan. 49 jastaǵy er adam áriptesin soqqyǵa jyqqan.

Sonyń saldarynan 47 jastaǵy er adam Bórli aýdandyq ortalyq aýrýhanasyna jetkizilgenimen, jansaqtaý bólimshesinde esin jııa almastan qaıtys bolyp ketti.

Kúdikti men jábirlenýshi birge jumys istegen. Qylmys oryn alǵan páterdi birge jalǵa alǵan.

Atalǵan oqıǵa boıynsha qazirgi kezde QR QK 106-baby 3- bóligine (abaısyzda adam ólimine ákep soqqan aýyr dene jaraqatyn keltirý) sotqa deıingi tergeý amaldary júrgizilýde.

Eske sala keteıik, budan buryn Oralda 18 jastaǵy júrgizýshiniń keıýanany qaǵyp, mert qylǵanyn jazǵan bolatynbyz.