Aqsaıda aıaǵyna oq tıgen 25 jastaǵy jigit aýrýhanaǵa tústi
ORAL. QazAqparat – Aqsaı qalasynda aıaǵyna oq tıgen 25 jastaǵy turǵyn aýrýhanaǵa tústi, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkendeı, oqıǵa 5 jeltoqsan kúni túnde qalanyń soltústik bóliginde bolǵan.
Saǵat 23.50-de 25 jastaǵy turǵyn atys jaraqatymen Bórli aýdandyq ortalyq aýrýhanasynyń hırýrgııalyq bólimshesine tústi.
23 jastaǵy kúdikti ustalyp, ýaqytsha oqshaýlaý ızolıatoryna qamaldy. Myltyq tárkilendi.
Qazirgi kezde oqıǵanyń neden órbigeni anyqtalý ústinde. QR QK 293-baby 3-bóligine sáıkes (buzaqylyq) sotqa deıingi tergeý amaldary júrgizilýde.
Bórli aýdandyq ortalyq aýrýhanasynan túsken málimetke qaraǵanda, sol jaq baltyryna oq tıgen turǵynǵa ota jasalǵan. Jaǵdaıy ortasha dep baǵalanýda.
Eske sala keteıik, budan buryn Oralda ógeı ákesi 13 jasar qyzdy zorlady degen kúdikke ilingenin jazǵan bolatynbyz.
