Aqsaıda alaıaq áıel jer ýchaskesin alyp berýge ýáde etken
ORAL. QazAqparat - Aqsaı qalasynda 52 jastaǵy alaıaq 1976 jylǵy áıeldiń 1,5 mln. teńgesin aldap alyp ketken, dep habarlaıdy «QazAqparat» HAA tilshisi.
BQO ishki ister departamentiniń baspasóz qyzmetinen túsken málimetke qaraǵanda, ol jábirlenýshige jer telimin alyp beremin dep, ýáde etken.
Abaı polıtsııa bólimi krımınaldyq polıtsııa qyzmetkerleri júrgizgen jedel izdestirý sharalary barysynda alaıaq áıel ustalyp, ol óziniń kinásin moıyndady. Odan eshqaıda ketpeý týraly qolhat alyndy.
Qazirgi kezde QR QK 190-baby 3-bólimine sáıkes (alaıaqtyq) sotqa deıingi tergeý amaldary júrgizilýde.
