Aqsaıda 64 jastaǵy kásipkerdi óltirgen kúdikti izdestirilip jatyr
ORAL. QazAqparat - Aqsaı qalasynda 64 jastaǵy kásipkerdi óltirgen kúdikti izdestirilip jatyr, dep habarlaıdy QazAqparat tilshisi.
BQO polıtsııa departamenti baspasóz qyzmetinen túsken málimetke qaraǵanda, oqıǵa 15 shilde kúni saǵat 22.00-de boldy.
«M.Iqsanov kóshesindegi óz úıiniń kireberisinen 1958 jylǵy er adamnyń múrdesi tabyldy. Marqum basynan oq jaraqatyn alǵan. Sondaı-aq úıdiń aýlasynan markasy belgisiz atys qarýy tabylyp, tárkilendi. Múrde Oral qalasyndaǵy máıithanaǵa jiberildi. Atalǵan derek boıynsha QR QK 99-baby 1-bóligine (kisi óltirý) sáıkes sotqa deıingi tergeý amaldary júrgizilýde. Kúdikti izdestirilip jatyr», dedi vedomstvodan.
Marqum óz dúkeni bar kásipker bolǵan.
Eske sala keteıik, budan buryn Oralda jol apatynan 8 adamnyń qaza tabýy boıynsha qylmystyq is qozǵalǵanyn jazǵan bolatynbyz.
