Aqsaı shatqalynda demalýshy ózenge qulap, aýyr jaraqattandy
ALMATY. QazAqparat - Búgin sý aıdyndarynda demalýshylardyń qaza bolýyna jol bermeý maqsatynda júrgiziletin kúndelikti kezekti reıdtik patrýldeý kezinde, Respýblıkalyq jedel-qutqarý jasaǵynyń qutqarýshylary kómekke muqtaj demalýshylar tobyn kezdestirgen. Bul týraly QazAqparat TJM «RJQJ» baspasóz qyzmetine silteme jasap habarlaıdy
Demalýshylardyń biri jar shetinde uıyqtap qalǵan. Abaısyzda aýnamaq bolǵan sátte, Aqsaı ózenine, ıaǵnı tasty betine qaraı domalap qulap ketedi. Osynyń saldarynan demalýshy ashyq bas jaraqatyn alǵan.
Týrıster RJQJ qutqarýshylarynan kómek suraǵan. Zardap shegýshini dereý qutqarýshy-dáriger qarap, alǵashqy medıtsınalyq kómek kórsetedi. Er adamnyń jaǵdaıy ortasha aýyr bolǵan. Shuǵyl túrde demalýshy jedel kólikpen Almatydaǵy 7 qalalyq aýrýhanaǵa jetkizildi.
Eske sala keteıik, shomylý maýsymy bastalǵannan beri Respýblıkalyq jedel-qutqarý jasaǵynyń qutqarýshylary kún saıyn sý aıdyndarynda jáne taý ózenderiniń boıynda reıdtik patrýldeýdi júzege asyrýda. Demalýshylarmen profılaktıkalyq áńgimeler júrgiziledi jáne sýdaǵy qaýipsiz júris-turys erejeleri bar aqparattyq jadynamalar taratylady.
