Aqsaı munaı-gaz ken orny qoldanysqa berildi

ASTANA. QazAqparat - «QazMunaıGaz» Barlaý Óndirý» AQ (QMG BÓ, Kompanııa) Aqsaı munaı-gaz ken ornynyń qoldanysqa berilgeni týraly habarlaıdy, bul ken ornyn ıgerý lıtsenzııasyna QMG BÓ-niń Qyzylorda oblysyndaǵy birlesken kompanııasy «QazGerMunaı» BK» JShS (QGM) ıe.

«Aqsaı ken-ornynyń qoldanysqa berilýi «QazGerMunaı» kompanııasynyń munaı óndirisi kólemin qazirgi deńgeıde turaqtandyrady, - dedi ashylý saltanatynda QMG BÓ Bas dırektory Abat Nurseıitov. - Buǵan qosa, gazdyń qosymsha kólemi kompanııaǵa Qyzylorda qalasyn kógildir otynmen qamtamasyz etý jónindegi áleýmettik mindettemelerin oryndaýǵa múmkindik beredi»

Miller and Lents, Ltd. táýelsiz kompanııasynyń esebine sáıkes, 2013 jyldyń 31 jeltoqsanyndaǵy jaǵdaı boıynsha Aqsaı ken ornyndaǵy 2R sanatty munaı qory 1,5 mln. tonna, gaz qory - 1 626 mln. tekshe metr. 2015 jyly Aqsaı ken ornynan 114,5 (táýligine 2,4 myń barrel) myń tonna munaı men 70 mln. tekshe metr gaz óndirý mejelengen. Jospar boıynsha óndirilgen munaı QGM kompanııasynyń qazirgi baǵyttary boıynsha satylady, al gaz memleket belgilegen baǵa boıynsha ishki naryqqa jóneltiledi.

«Aqsaı ken ornyn ıgerý» jobasyna salynatyn ınvestıtsııa kólemi 9,6 mlrd. teńge (shamamen 53 mln. AQSh dollary). Bolashaqta uńǵymalardy salýǵa qosymsha ınvestıtsııalar salynady dep kútilýde.