Aqsaı men Aıýsaı ózenderine bóget salý qajet- Toqaev
«Aryq júıesi áli kúnge deıin tolyq jumys istemeıdi. Bul kóktemde jáne jańbyr jaýǵan kezde únemi sý tasqynyna ákeledi. Bul almatylyqtardyń narazylyǵyn týdyrady. Ákimdik eń problemalyq aýdandardy anyqtap, olardy qalpyna keltirý sharalaryn qabyldaýy kerek. Sonymen qatar, Almaty seısmıkalyq aımaqta ornalasqanyn umytpańyzdar. Qalanyń janynda 37 morenaldy jáne muzdyq kólder bar, olardyń keıbireýleri qaýipti. Almatydaǵy sońǵy sel qalalyqtardyń esinde. Sondyqtan bul másele olardy alańdatady. Aqsaı men Aıýsaı shatqalyndaǵy bógetterdiń qurylysyn bastaý kerek jáne qalada sel qaýipsizdigin qamtamasyz etý qajet. Men Úkimetke olardyń qurylysyn qarjylandyrý máselesin pysyqtaýdy tapsyramyn», - dedi Prezıdent.
Buǵan deıin, qala ákimi Baqytjan Saǵyntaev Aqsaı men Aıýsaı ózenderinde selge qarsy bógetterdi salý týraly baıandama jasaǵan bolatyn.
«Almaty 10 balldyq seısmıkalyq jáne sel qaýpi bar aımaqta ornalasqan. Jyl saıyn qaladan 80 km radıýsta shamamen 200 álsiz jáne ortasha jer silkinisi bolady. Osyǵan baılanysty sizden Úkimetke bóget salý máselesin tezdetip, 2020 jylǵa arnalǵan respýblıkalyq bıýdjet qarajatyn qarastyrýdy tapsyrýyńyzdy suraımyn. Qajetti qujattar bar, bári daıyn tur», - degen bolatyn Saǵyntaev óz sózinde.
