Aqsaı qalasynyń ákimi laýazymyna úsh úmitker tirkelip otyr
ORAL. QazAqparat - Aqsaı qalasynyń ákimi laýazymyna úsh úmitker tirkelip otyr, dep habarlaıdy «QazAqparat» tilshisi.
Úmitkerler aýdandyq máslıhat depýtattaryna saılaýaldy baǵdarlamalaryn tanystyrdy.
Birinshi bolyp sóz alǵan Natalıa Haıranbaeva 2013 jyldan beri Aqbulaq aýyldyq okrýginiń ákimi bolyp keledi.
Taǵy bir úmitker - Aleksandrov aýyldyq okrýginiń ákimi Zamır Myrzaǵalıev. Úshinshi úmitker - qazirgi kezde Zelenov aýdany ákiminiń orynbasary qyzmetin atqaryp júrgen Amangeldi Toǵyzbaev.
Aqsaı qalasy ákiminiń oryntaǵynan úmitkerler depýtattar saýaldaryna jaýap berdi.
Qala ákimin saılaý 1 naýryz kúni ótedi.
Aıta keteıik, Aqsaı qalasynyń ákimi turaqtamaı keledi. 2013 jyly monoqala mártebesin ıelengennen beri Aqsaıda tórt basshy aýysyp úlgerdi.
