Aqsaı qalasynda jol apatynan bir adam kóz jumdy
ORAL. QazAqparat - 4 qarasha kúni shamamen saǵat 10.00 shamasynda Aqsaı qalasyndaǵy «Vıadýk» kópirinde «VAZ-21900» avtokóligi qarsy betke shyǵyp ketip, «GAZ-2705» avtokóligimen soqtyǵysqan, dep habarlaıdy «QazAqparat» tilshisi.
Bórli aýdandyq ishki ister bólimi jergilikti polıtsııa qyzmetiniń ınspektory Nursultan Bekesovtiń aıtýynsha, jol-kólik oqıǵasy saldarynan «VAZ-21900» avtokóliginiń júrgizýshisi, 1973 jylǵy qala turǵyny aýdandyq aýrýhananyń jansaqtaý bólimine jetkizilgenmen, esin jııa almastan kóz jumǵan.
Atalmysh derek boıynsha QR QK 345-babyna sáıkes qylmystyq is qozǵalyp, tergeý amaldary júrgizilýde. Saraptama da taǵaıyndaldy.
