Aqsaı qalasynda valıýta aıyrbastaýshyny óltirgen kúdikti qamaýǵa alyndy
ORAL. QazAqparat - Aqsaı qalasynda kisi óltirdi degen kúdikpen 28 jastaǵy jigit qamaýǵa alyndy, dep habarlaıdy QazAqparat tilshisi.
Bórli aýdandyq ishki ister bóliminen túsken málimetke qaraǵanda, aqsha aıyrbastaýmen aınalysqan azamatty óltirgen Bórli aýdanynyń 1990 jylǵy turǵyny ustaldy.
Beınekameranyń kómegimen anyqtalyp, qolǵa túsken kúdiktini eki aıǵa qamaýǵa alý jónindegi bultartpaý sharasyn Bórli aýdandyq soty sanktsııalady.
Qazirgi kezde QR QK 99-baby 1-bóligine sáıkes (kisi óltirý) tergeý amaldary jalǵasýda.
Eske sala keteıik, budan buryn Aqsaıda belgisiz bireýdiń qala turǵynyn pyshaqtap ketkenin, keıin aqsha aıyrbastaý pýnktinen kóptegen pyshaq jaraqattarymen 1966 jylǵy A. esimdi azamattyń múrdesi tabylyp, soǵan baılanysty qylmystyq is qozǵalyp, tergeý júrgizilip jatqanyn jazǵan bolatynbyz.
Mundaı oqıǵa Aqsaıda budan buryn da bolǵan. 2015 jyly 8 qazan kúni valıýta aıyrbastaýmen aınalysqan er adamdy óz úıiniń kireberisinde atyp ketken edi. Bul qylmys áli ashylǵan joq.
