Aqsaı qalasynda úılerge sý kirip, 13 adam evakýatsııalandy
Bórli aýdanynyń ákimi Erkebulan Ihsanovtyń aıtýynsha, qalaǵa qarasty Qyzyltal aýylynda erigen qar sýy kóp mólsherde kelýine baılanysty aldyn ala málimet boıynsha onshaqty úıge sý kirdi.
«Qazirgi kezde Qyzyltaldan turǵyndardy kóshirý jumystary júrgizilýde. Qansha úıdi sý basqany, qanshasyna qaýip tónip turǵany naqtylanyp jatyr. Shanhaı shaǵynaýdanynda sý deńgeıi 70-80 santımetrge tústi. Munda turǵyn úılerge qaýip tónip turǵan joq», dedi QazAqparat tilshisine E.Ihsanov.
Aýdan ákimdiginen túsken málimetke qaraǵanda, 8710 tekshe metr qar shyǵarylyp, táýligine 122 500 tekshe metr sý sorǵyzyldy. Oǵan 182 adam (159 tehnıka, 28 motopompa) qatysýda.
Sol sekildi aýyldyq okrýgterde 48 dana tehnıka, 17 motopompa, 158 adam jumyldyryldy.
Aqsaıda 13 naýryz kúni saǵat 10.00-den kúni búginge deıin aýdandyq shtabqa 500-den astam ótinish tússe, sonyń 90 paıyzy erigen qar sýynyń aýlalardy basýyna baılanysty boldy. Buǵan barlyq merdigerler men kompanııalardyń assenızatorlary daqatystyryldy.
Aqbulaq aýylyndaǵy sý bógetiniń buzylýyna baılanysty Aqsaı qalasynyń Qyzyltal jáne Araltal aýyldaryn sý basý qaýpi kúsheıýde.
Buǵan deıin Aqbulaq aýylynda 14 úıge sý kirip, 44 adam kóshirilse, sonyń 13-i – balalar. Sonymen qatar 60 bas iri qara, 72 usaq mal, 2 jylqy shyǵaryldy. 6 usaq mal sýǵa ketti.
Sondaı-aq Keńtúbek aýylynda 6 úıge sý kirip, 22 adam qaýipsiz aımaqqa evakýatsııalansa, sonyń 9-y – balalar.
Aqsý aýylynda 13 naýryzda Shyńǵyrlaý ózenindegi sýdyń arnasynan asyp ketýine baılanysty 20 úıge qaýip tóndi. 76 adam mektepke ornalastyrylsa, sonyń 30-y – balalar. Qazirgi ýaqytta sý deńgeıi tómendep, barlyq turǵyndar úılerine oraldy. Sý basqan úıler joq.
Sol sekildi aýdan joldarynda tórt jerde sý shaıyp ketti. Sonyń ishinde aýdandyq mańyzy bar Aqsaı-Keńtúbek jolynyń 20-shaqyrymynda sý basyp, kólik qozǵalysy toqtatyldy. Jol Keńtúbek jáne Qaraǵandy aýyldarymen jalǵasady. Qalǵan úsh baǵytta kólik toqtaǵan joq, kezekshi posttar qoıyldy.
«Qazirgi kezde Aqsaı qalasynda jedel top músheleri eki aýysymda jumys jasap, qaýip tóngen aýmaqtardy baqylaý ústinde», dep habarlady vedomstvodan.
Eske sala keteıik, budan buryn Batys Qazaqstan oblysyndaǵy Bórli aýdanynda tótenshe jaǵdaı jarııalanǵanyn jazǵan bolatynbyz.
Sondaı-aq Oral qalasynda tótenshe jaǵdaı jarııalandy.
BQO-nyń taǵy bir aýdanynda tótenshe jaǵdaı jarııalandy.
Batys Qazaqstanda aýylǵa sý kirip, 44 adam evakýatsııalandy.
BQO-da respýblıkalyq joldy sý shaıyp ketti.
BQO-da sý shaıyp ketýine baılanysty taǵy bir respýblıkalyq jol jabyldy.
Batys Qazaqstannyń Báıterek aýdanynda tótenshe jaǵdaı jarııalandy.
