Aqsaı qalasynda úshem dúnıege kelgen Kúzembaevtar otbasyna úsh bólmeli páter berildi
ORAL. 29 naýryz. QazAqparat - Bórli aýdanynyń ákimi Marat Túsipqalıev úshem dúnıege kelgen Kúzembaevtar otbasyna úsh bólmeli páterdiń kiltin tabys etti.
Úshemdi anasy Dınara Sarǵojıeva 3 naýryz kúni Oral qalasyndaǵy oblystyq perınataldyq ortalyqta ómirge ákelgen bolatyn. Bulardyń ekeýi qyz da, bireýi - ul. Budan buryn da úlken uldary bar Asan men Dınara kóp balaly otbasy bolyp shyǵa keldi. Mundaı oqıǵa Bórli aýdanynda 51 jyldan keıin qaıtalanyp otyr. 1961 jyly Bórli aýylynda Ananchık otbasynda úsh qyz dúnıege kelgen.
Úshemniń ákesi Asan Kúzembaev aýdandyq telekommýnıkatsııa torabynda bas ınjener bolsa, Dınara Sarǵojıeva - «Qazposhta» AQ aýdandyq bólimshesiniń bas býhgalteri. Olardyń ekeýiniń de jasy 32-de. Kóp bala tabý Dınaranyń qanynda bar. Soǵystan keıingi jyldary Dınaranyń ájesi dúnıege úshem keltirgen eken.
Jas otbasyna «Qazaqtelekom» AQ atynan teledıdar, «Qazposhta» AQ-dan aqshalaı syılyq tapsyryldy. Aýdan basshysy olarǵa budan bylaı da qoldaý-kómek kórsetilip turatynyn jetkizdi.
