Aqsaı qalasynda turǵyn úı órtenip ketti
ORAL. QazAqparat – BQO-nyń Aqsaı qalasynda turǵyn úı órtenip ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 3 qarasha kúni tús áletinde oryn aldy.
Saǵat 13.08-de 13-shaǵynaýdanda turǵyn úıdiń otqa oranǵany jóninde habar túsken.
Úıdiń tóbesi, jaqtaýlary, qabyrǵalary, jeke zattar janǵan.
Aýmaǵy 70 sharshy metrdi qamtyǵan órt saǵat 13.47-de oqshaýlanyp, 14.02-de aýyzdyqtaldy. Ony sóndirýge 7 adam, 2 tehnıka jumyldyryldy.
Qazirgi kezde órttiń shyǵý sebebi, kináli adamdar, keltirilgen shyǵyn anyqtalý ústinde.
