Aqsaı qalasynda tapanshadan oq atyldy: polıtsııa qylmystyq is qozǵady

ORAL. QazAqparat – Aqsaı qalasynda kópqabatty turǵyn úı aýlasynda er adamdar arasynda qaqtyǵys bolyp, tapanshadan oq atyldy, dep habarlaıdy QazAqparat tilshisi.

Atalmysh oqıǵa túsirilgen beınejazba áleýmettik jelide keńinen taraldy.

Onda er adamdardyń bir-birimen baılanysyp, bireýiniń soqqy jumsap, qasha jónelgeni kórinedi. Bári sonyń sońynan qýyp bara jatqan sátte atysqa uqsas daýys ta estiledi.

BQO polıtsııa departamentiniń baspasóz qyzmetinen málim etkenindeı, oqıǵa 29 sáýir kúni shamamen saǵat 18.00-de boldy.

«Qabyldanǵan is-sharalar nátıjesinde janjalǵa qatysýshylardyń bári anyqtalyp, polıtsııaǵa jetkizildi. Atalǵan derek boıynsha QR QK 293-baby 3-bóligi 2-tarmaqshasyna (gazdy qarýdy qoldanyp jasalǵan buzaqylyq) sáıkes sotqa deıingi tergeý amaldary bastaldy. Іstiń mán-jaıy tolyq anyqtalatyn bolady. Aýdan prokýratýrasy tarapynan jazbalaı nusqaý berildi. Zardap shekkender joq. Ózge aqparat QR Qylmystyq is júrgizý kodeksiniń 201-babyna sáıkes taratýǵa jatpaıdy», dep habarlady vedomstvodan.