Aqsaı qalasynda sý kestemen berilip jatyr
Aqsaı qalasynyń ákimi Arsen Baıandyqovtyń málim etkenindeı, káriz júıesiniń erigen qar sýyna tolyp ketýine baılanysty osyndaı oqıǵa oryn alyp otyr.
«Qalaǵa sý keshki 18.30-dan 20.00-ge deıin jáne tańmen 07.00-den 08.30-ǵa deıin beriletin bolyp sheshildi. Qazirgi kezde tasqyn sý qatty kelip jatyr. Qalaǵa qarasty Qyzyltal aýylynda sýǵa ketken úıler barshylyq. Jaǵdaı sát saıyn ózgerip jatyr. Barlyq kúsh sý tasqynyna qarsy jumystarǵa jumyldyrylǵan. Jaǵdaı qalypqa kelse, qalaǵa sý úzdiksiz beriletin bolady», - dedi QazAqparat tilshisine A.Baıandyqov.
Eske sala keteıik, budan buryn Batys Qazaqstan oblysyndaǵy Bórli aýdanynda tótenshe jaǵdaı jarııalanǵanyn jazǵan bolatynbyz.
Sondaı-aq Oral qalasynda tótenshe jaǵdaı jarııalandy.
BQO-nyń taǵy bir aýdanynda tótenshe jaǵdaı jarııalandy.
Batys Qazaqstanda aýylǵa sý kirip, 44 adam evakýatsııalandy.
BQO-da respýblıkalyq joldy sý shaıyp ketti.