Aqsaı qalasynda septıkke túsip ketken jeti jasar qyz kóz jumdy
ORAL. QazAqparat - 30 tamyz kúni saǵat 19-00-der shamasynda Aqsaı qalasynda qaıǵyly oqıǵa boldy, dep habarlaıdy «QazAqparat» tilshisi.
BQO ІІD baspasóz qyzmetinen túsken málimetke qaraǵanda, 2010 jylǵy qyz bala úıiniń qasyndaǵy septıkke túsip ketken. Ol aýdandyq aýrýhanaǵa jatqyzylǵanymen, esin jımastan, kóz jumdy.
Bul derek oqys oqıǵa retinde tirkelip, Bórli aýdandyq ishki ister bólimi tergeý amaldaryn júrgizýde.
Aıta keteıik, bul - Aqsaı qalasyndaǵy osyndaı ekinshi oqıǵa. Budan buryn 6 maýsym kúni saǵat 16-00-der shamasynda eki jasar qyz bala káriz qudyǵyna batyp ketken bolatyn. Oǵan qosa 25 sáýir kúni Qaratóbe aýdany Sýlykól aýyldyq okrýgine qarasty Úshana eldi mekeninde 2013 jáne 2015 jylǵy qos sábı oınap júrip, jeke turǵyn úı monshasynyń septıgine túsip ketip, kóz jumǵan edi.
