Aqsaı qalasynda páterdegi órt ornynan úsh adamnyń múrdesi tabyldy
ORAL. QazAqparat – Aqsaı qalasynda páterdegi órt ornynan úsh adamnyń múrdesi tabyldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa 11 aqpan kúni saǵat 03.30 shamasynda Aqsaıdaǵy kópqabatty úılerdiń birinde oryn aldy.
Janǵan páterden 1977 jáne 1990 jylǵy er adamdardyń, sondaı-aq 1996 jylǵy qyzdyń denesi tabyldy.
Marqumdardyń múrdeleri sot-medıtsınalyq saraptamaǵa jiberildi.
Atalǵan derek QR QK 202-babyna sáıkes sotqa deıingi tergeýdiń biryńǵaı tizilimine tirkeldi.
Qazirgi kezde oqıǵanyń jaı-japsary anyqtalý ústinde.
