Aqsaı qalasynda qatty jel dúkenniń shatyryn julyp áketti
ORAL. QazAqparat – Aqsaı qalasynda qatty jel dúkenniń shatyryn julyp áketti, dep habarlaıdy QazAqparat tilshisi.
BQO TJ departamentinen túsken málimetke qaraǵanda, oqıǵa 25 sáýir kúni qaladaǵy óndiristik aımaqta oryn aldy.
Ekpini sekýndyna 18 metrge deıin jetken jel «Stroıbat» qurylys zattary dúkeniniń shatyryn julyp túsirgen. Onyń aýmaǵy 550 sharshy metrdi qurady.
Zardap shekkender joq.
Qazirgi kezde oqıǵanyń jaı-japsary, keltirilgen shyǵyn kólemi anyqtalý ústinde.
BQO TJ departamenti aýa raıynyń buzylatyny jóninde barlyq ákimdikter men kommýnaldyq mekemelerge, turǵyndarǵa aldyn ala habarlap keledi.
Eske sala keteıik, budan buryn úsh oblysta jel kúsheıip, úsik júretini jóninde jazǵan bolatynbyz.
