Aqsaı qalasynda ǵımaratta gaz jarylyp, bir adam mert boldy
ORAL. QazAqparat – Aqsaı qalasynda ǵımaratta gaz jarylyp, bir adam mert boldy, dep habarlaıdy QazAqparat tilshisi.
Batys Qazaqstan oblystyq Tótenshe jaǵdaılar departamentiniń baspasóz qyzmetinen alynǵan málimetke qaraǵanda, oqıǵa 4 tamyz kúni saǵat 09.30-da qala shetindegi «Aqsaıjylýqýat» MKK-nyń káriz-tazartý qurylymy ǵımaratynda boldy.
Eki qabatty ǵımaratta gaz-metan jınalyp, sodan jarylys bolǵan. Sonyń saldarynan ekinshi qabattaǵy qabyrǵa men tereze jaqtaýlary qulaǵan (8 sharshy metr).
Jarylys ornynda káriz-tazartý qurylymy ýchaskesiniń bastyǵy, 1961 jylǵy azamat qaza tapty.
Kúıik jaraqatyn alǵan 1967 jylǵy tehnolog aýrýhanaǵa jatqyzyldy.
Eske sala keteıik, budan buryn Oralda avtobýs pen jeńil kólik soqtyǵysyp, bir adam qaza tapqanyn jazǵan bolatynbyz.
