Aqsaı qalasynda garajdaǵy avtokólik janyp ketti
ORAL. QazAqparat – Aqsaı qalasynda garajdaǵy avtokólik janyp ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 28 qazan kúni saǵat 09.37-de oryn aldy.
Molodejnaıa kóshesindegi garajda «VAZ-21099» avtokólik túgeldeı janyp ketti.
Órt 09.56-da sóndirildi. Oǵan №9 órt sóndirý bóliminen 6 adam, 1 tehnıka jumyldyryldy.
Sondaı-aq 27 qazan kúni saǵat 04.35-te Bókeı ordasy aýdany ortalyǵy Saıqyn aýylynda turǵyn úı órtengeni jóninde habar túsken. Ony sóndirýge 5 adam, 1 tehnıka jumyldyryldy. «Tilsiz jaý» saǵat 05.59-da aýyzdyqtaldy.
Qos órtten de zardap shekkender joq.
Eske sala keteıik, budan buryn Oralda turǵyn úıdegi órt ornynan 51 jastaǵy turǵynnyń denesi tabylǵanyn jazǵan bolatynbyz.
