Aqsaı qalasynda balalardy zorlamaq bolǵan turǵyn ustaldy
ORAL. QazAqparat - 23 mamyr kúni Aqsaı qalasynyń shyǵys bóliginde er adam eki balany zorlamaq bolǵan, dep habarlaıdy «QazAqparat» tilshisi.
Aýdandyq ishki ister bóliminen túsken málimetke qaraǵanda, pedofıl aldymen 7 jasar balany sheshindirip úlgergen, biraq balanyń aıqaıynan júrginshiler kelip jetip, zorlyqshyny qorqytyp jibergen. Sol kúni atalǵan azamat 12 jasar qyzdy da toryna túsirmek bolǵan, biraq ol sytylyp shyǵyp, qashyp ketken.
Bórlilik saqshylar qylmystyń izi sýymastan, Aqsaı qalasynyń 1983 jylǵy turǵynyn qolǵa túsirdi. Ol buryn sottalmaǵan, ustalǵan kezde mas kúıinde bolǵan.
Qazirgi kezde oqıǵanyń jaı-japsary anyqtalyp, tergeý amaldary júrgizilýde.
