Aqsaı qalasynda avtokólik órtendi
ORAL. QazAqparat - Bórli aýdany ortalyǵy Aqsaı qalasynda avtokólik órtendi, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa búgin saǵat 04.26 shamasynda oryn aldy.
M.Yqsanov kóshesi boıyndaǵy 102-úıdiń aýlasynda 1994 jyly shyǵarylǵan «Folksvagen Passat» avtokóliginiń motor bóligi otqa orandy. Kólik ıesi - 1988 jylǵy azamat.
«Tilsiz jaýdy» aýyzdyqtaýǵa №8 órt sóndirý bóliminen 4 adam, 1 tehnıka jumyldyryldy. Órt saǵat 04.55-te sóndirildi.
Qazirgi kezde órttiń shyǵý sebebi, kináli adamdar, keltirilgen shyǵyn anyqtalýda.
Eske sala keteıik, budan buryn Oralda gaz jabdyǵy ornatylǵan avtokóliktiń órtengenin jazǵan bolatynbyz.
