Aqsaı qalasynda 9-qabattan qulaǵan er adam mert boldy

ORAL. QazAqparat – Aqsaı qalasynda er adam 9-qabattan qulap ketti, dep habarlaıdy QazAqparat tilshisi.

BQO polıtsııa departamentiniń baspasóz qyzmetkeri, polıtsııa maıory Darıǵa Májıtovanyń aıtýynsha, qaıǵyly oqıǵa 7 maýsym kúni saǵat 08.10-da bolǵan.

«Toǵyzynshy qabattan qulaǵan 61 jastaǵy er adam oqıǵa ornynda jan tapsyrdy. Qazirgi kezde atalǵan derek boıynsha QR QK 105-baby 1-bóligine (ózin-ózi óltirýge deıin jetkizý) sáıkes sotqa deıingi tergeý amaldary júrgizilip jatyr», - dedi QazAqparat tilshisine D.Májıtova.

Bul – sońǵy kezde Aqsaı qalasynda bolǵan osyndaı ekinshi oqıǵa.

Eske sala keteıik, budan buryn Aqsaı qalasynda 41 jastaǵy er adamnyń ózin-ózi atyp óltirgenin jazǵan bolatynbyz.

Sondaı-aq Batys Qazaqstanda avtokólik aýdarylyp, eki adam kóz jumdy.