Aqsaı qalasynda 55 jastaǵy er adamdy óltirgen kúdikti ustaldy
ORAL. QazAqparat - Aqsaı qalasynda 55 jastaǵy er adamdy óltirgen kúdikti ustaldy, dep habarlaıdy QazAqparat tilshisi.
BQO polıtsııa departamentinen túsken málimetke qaraǵanda, Aqsaıda 5-shaǵynaýdanda zorlyqpen óltirilgen 1966 jylǵy er adamnyń múrdesi tabyldy.
Departament bastyǵy, polıtsııa general-maıory Mahsudhan Ablazımovtyń aıtýynsha, jedel izdestirý is-sharalary barysynda 1992 jylǵy kúdikti qolǵa tústi.
Kýálardyń sózine qaraǵanda, eki er adam úı aýlasynda birge araq ishken. Sosyn adam aıaq basa qoımaıtyn jerge baryp, bir-birimen sózge kelgen.
Tergeý barysynda anyqtalǵanyndaı, keris sońy tóbeleske ulasyp, kúdikti jábirlenýshiniń basynan birneshe ret uryp, ketip qalǵan. Sodan keıin tanysynyń úıine barǵan kezde tártip saqshylarymen ustalǵan.
Qazirgi kezde ýaqytsha ustaý ızolıatoryna qamalǵan kúdiktige qatysty QR QK 99-baby 1-bóligine (kisi óltirý) sáıkes sotqa deıingi tergeý amaldary júrgizilýde.
Eske sala keteıik, budan buryn BQO-da júk kóligi aýdarylyp qalǵanyn jazǵan bolatynbyz.
