Aqsaı qalasynda 41 jastaǵy er adam ózin-ózi atyp óltirdi

ORAL. QazAqparat - Aqsaı qalasynda 41 jastaǵy er adam ózin-ózi atyp óltirdi, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, oqıǵa 1 maýsym kúni tańǵy saǵat 07.30-da boldy.

«1981 jylǵy er adam óz qarýymen ózin-ózi atqan. Marqum esin jııa almastan oqıǵa ornynda kóz jumdy. Qazirgi kezde oqıǵanyń jaı-japsary anyqtalyp jatyr», dep habarlady vedomstvodan.

BQO densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, oq er adamnyń júreginen tıgen. Ol jedel járdem kelgenge deıin mert boldy.

Eske sala keteıik, budan buryn Oralda jas jigittiń kópirden sekirip ketkenin jazǵan bolatynbyz.

BQO polıtsııa departamentiniń baspasóz qyzmeti jas jigitti qutqaryp qalǵan tártip saqshylary, polıtsııa leıtenanttary Ǵalamat Haırov pen Mels Mahmet ekendigin jetkizdi.