Aqsaı qalasynda turǵyn úıdegi órt saldarynan úsh adam kóz jumdy
ORAL. KAZINFORM – Batys Qazaqstan oblysy Bórli aýdanynyń ortalyǵy Aqsaı qalasynda jeke turǵyn úı otqa orandy.
BQO TJ departamentiniń baspasóz qyzmetinen málim etkenindeı, oqıǵa 25 qańtar kúni keshkisin Severnaıa kóshesinde boldy.
Habarlama túsken boıda oqıǵa ornyna TJD kúsh-quraldary dereý jiberildi.
- Órt sóndirýshiler kelip jetken mezgilde turǵyn úıdiń janyp jatqany anyqtaldy. Órt sóndirý barysynda úı ishinen úsh adamnyń denesi tabylyp, shyǵaryldy. «Tilsiz jaýdy» aýyzdyqtaýǵa 14 adam, 3 tehnıka jumyldyryldy. 90 sharshy metrdi qamtyǵan órt tolyqtaı sóndirildi. Qazirgi kezde órttiń shyǵý sebebi anyqtalý ústinde, - dep habarlady vedomstvodan.
Eske sala keteıik, budan buryn Batys Qazaqstanda turǵyn úıdegi órtter sany kóbeıip otyrǵanyn jazǵan edik.