Aqsaı qalasynda oq atyp, er adamdy jaraqattaǵan turǵyn ustaldy

ORAL. KAZINFORM – BQO-nyń Aqsaı qalasynda oq atyp, er adamdy aıaǵynan jaraqattaǵan turǵyn ustaldy.

BQO polıtsııa departamentiniń baspasóz qyzmetinen málim etkenindeı, oqıǵa 18 aqpan kúni boldy. 

«Sol kúni keshkisin kúdikti kórshisiniń úıine barady. Keıin sol úıge qonaqqa kelgen er adam ekeýiniń arasynda janjal týyndaıdy. Sodan keıin kúdikti ketip qalyp, qaıta oralyp kelip, oq ata bastaıdy. Onyń bir oǵy aýlada turǵandardyń biriniń aıaǵyna tıedi. Oq atqan adam oqıǵa ornynan qashyp ketedi. Bórli aýdandyq polıtsııa bóliminiń qyzmetkerleri kúdiktini ustaý úshin dereý jedel izdestirý sharalaryn júrgizdi. Nátıjesinde polıtsııa qyzmetkerleri kúdiktini oqıǵanyń izin sýytpaı qolǵa túsirdi, ol ýaqytsha ustaý ızolıatoryna qamaýǵa alyndy. Qylmystyq qarý tárkilenip, is materıaldaryna tigildi. Qazirgi kezde adam óltirýge oqtalý baby boıynsha qylmystyq is qozǵalyp, tergeý amaldary júrgizilýde», - dep habarlady vedomstvodan.

Eske sala keteıik, budan buryn Oralda jas hokkeıshilerdiń oıyn kezinde tóbeles shyǵarǵanyn jazǵan bolatynbyz.