Aqsaqalov bıýdjetten jańajyldyq bezendirýge qarjy bólmeýdi tapsyrdy
«Qazaqstannyń 100 jańa esimi» respýblıkalyq tizimine engen 8 soltústikqazaqstandyq 1 jeltoqsan kúni Astanada ótetin Memleket basshysymen kezdesýge qatysady. Oblystyń qoǵamdyq saltanatty jınalysy 30 qarashaǵa josparlanǵan. 1 jeltoqsanda Petropavlda Tuńǵysh Prezıdent saıabaǵynyń ashylýynda kontsert uıymdastyrylyp, otshashý bolady» , - dedi oblystyq ishki saıasat basqarmasynyń basshysy Ásem Rahmetova.
Jalpy óńirde 30-dan astam nysannyń ashylýy josparlanyp otyr.
«Merekelik kúnderdi halyqpen kezdesýge paıdalanýymyz qajet. Memlekettik organdardyń, basqarmalardyń basshylary, ákimdikter halyqpen kezdesip, qandaı jumystar júrgizilip jatqandyǵyn aıtyp, máselelerdi birlesip talqylaýlary tıis. Shartty túrde bul kúndi ashyq esik kúni dep ataıtyn bolamyz», - dedi SQO ákimi Qumar Aqsaqalov.
Otyrys barysynda oblys ortalyǵyn jańajyldyq bezendirý máselesi de sóz sóz boldy. Qumar Aqsaqalov qala basshylyǵyna bul maqsatqa qarjy bólmeýdi tapsyrdy jáne jańajyldyq bezendirý áshekeılerin qaıta qoldaný bul máseleniń eń tıimdi sheshimi ekendigin basa aıtty.
«Jańa 2018 jyl jaqyndap keledi. Jyl saıyn Petropavlda jańajyldyq bezendirýge bıýdjetten aqsha bólinip keldi. Menińshe, bul tájirıbeden bas tartý qajet. Qalada byltyrǵy shyrshalar, ıllıýmınatsııalar men gırlıandylar bar. Solardy qoldaný kerek. Muz qalashyqtaryn demeýshilerdiń kómegimen salýǵa bolady. Bizge bıýdjettik qarajatty jumsaý tájirıbesin toqtatqan jón. Únemdelgen qarjy qalany abattandyrýǵa baǵyttalýy qajet», - dep atap ótti Qumar Aqsaqalov.
