Akrobatshy Aldabergenova «QR Táýelsizdigine 25 jyl!» medalimen marapattaldy
ASTANA. QazAqparat - Akrobatshy Janbota Aldabergenova «QR Táýelsizdigine 25 jyl!» medalimen marapattaldy, dep habarlaıdy QazAqparat tilshisi.
Qarakóz qaryndasymyz qysqy sport túleri boıynsha qazaq qyzdary arasynda eń úzdik nátıjeler kórsetip keledi. Búgingi tańda frıstaıldyń akrobatıka túrinen Qazaqstannyń álem kýbogyndaǵy alǵashqy medal Janbota Aldabergenovanyń enshisinde. Ol Sochı Olımpıadasynda 6-oryndy ıelenip, qazaq qyzdary arasynan Qysqy Olımpıada oıyndarynda eń úzdik nátıjege qol jetkizgen bolatyn. Al ótken jyly Eýropa birinshiliginde jáne álem kýbogynda Janbota absolıýtti chempıon atandy.
Sportshy arýymyzdyń jetistikteri el nazarynan tys qalmaı, QR Prezıdentiniń 2016 jylǵy 29 qarashadaǵy Jarlyǵy boıynsha «Qazaqstan Respýblıkasynyń Táýelsizdigine 25 jyl!» merekelik medalimen marapattaldy.
Endi Aldabergenova aldaǵy kele jatqan Ýnıversıada oıyndarynan da júlde alady degen úmittemiz.
