Akrobatshy 16 metr bıiktikten krýızdik laıner basseınine sekirdi
ASTANA. QazAqparat - Amerıkalyq haı-daıver Sesılı Karlton (Cesilie Carlton) álemdegi eń úlken krýızdik laıner bortynda ornalasqan basseınge 16 metr bıiktikten sekirdi.
Bul týraly osy kórinis jaıly vıdeony jarııalaǵan Daily Mail jazdy. Rolıkti akrobatshynyń áriptesi Sıdnı Braýn (Sydney Brown) túsirgen.
Basylym jazǵandaı, Harmony of the Seas basqa jolaýshylar laınerlerimen salystyrǵanda, álemdegi eń tereń basseın. Onda turaqty túrde haı-daıverlerdiń qatysýymen, Aqua Theater oıyn-saýyq kórsetilimderi ótedi.
Karlton 2015 jyly haı-daıvıng boıynsha kúmis júldeni ıelengen. Ol Qazanda sý sporty túrlerinen ótken álem chempıonatynda óz eliniń namysyn qorǵaǵan bolatyn.
