Akrobat Nıagara sarqyramasy ústimen arqanmen júrip ótti
ASTANA. QazAqparat - Áýe akrobaty Nık Vallenda Nıagara sarqyramasynan júz jyldan astam ýaqyt aralyǵynda kerilgen arqanmen ótken alǵashqy adam atandy.
Ol qaterli joldy jarty saǵatta eńserdi: osy ýaqyt ishinde mashyqtanǵan akrobat sarqyramanyń ústinen 50 metr bıiktikte amerıkalyq-kanadalyq shekarany qıyp ótti.
Júrek jutqan akrobatqa shashyrandy sýlar men negizgi arqannyń terbelýin báseńdetetin ornyqty kendirdiń bolmaýy az kedergi keltirgen joq.
«Bul erlikke ishteı oqyǵan duǵamnyń arqasynda qol jetkizdim», - dedi Vallenda jýrnalısterge bergen suhbatynda. - Bastysy, asa zeıindilik, jınaqylyq pen jattyǵý qajet», - dep qosty ol.
Asa qyzyqty da tosyn oqıǵany tamashalaýǵa 125 myń kanadalyq jáne shamamen 4 myńdaı amerıkalyq kórermen jınaldy.
