Aqpeıildiler klýby kimderge járdemdesedi
«Biz adamdy oqytyp, jumysqa ornalastyramyz, eshkimniń ıt tirshilikpen ómir súrýine jol bermeımiz. Árbir adam memleketke paıdaly bola bilýi kerek qoı. Biz otbasyny belgili bir dárejege deıin qoldap, jumysqa ornalastyrylǵannan keıin ol otbasyǵa kómektesýdi doǵaramyz. Ondaı adamdarǵa: «sizge kómekteskenindeı, siz de bireýlerge járdemdesińiz dep aıtamyz. Biz jaqsylyqtyń qanat jaıýyn qalaımyz», - deıdi G.Ábdirasheva «Men jáne meniń Ǵaryshym» atty MediaTalks-tyń beıresmı konferentsııasynda.
Onyń aıtýyna qaraǵanda, klýb tek adamdarǵa emes, úısiz ıtterge de kómektesedi. Qysqasy, eriktiler qoǵamynyń negizin qalaýshynyń aıtýynsha, keıde ıtter adamdarǵa járdemdesip jatatyn kezder de kezdesedi.
«Bizde mynadaı jaǵdaı boldy. Itter adamdardy qaıǵy shyńyraýynan alyp shyǵyp jatty. Bizdiń jobaǵa 10 aı buryn kúıeýi qaıtys bolyp ketken soqyr áıel qatysqan edi. Jarynan aıyrylǵannan keıin basqa túsken qaıǵydan esin jııa almaı qalsa kerek. Áý basta ol aqsha jınap, ıt satyp almaq bolady, alaıda keıin tuqymy asyl emes ıtti asyrap alǵan. Tuqymy asyl emes ıtter, tuqymdy ıtterden góri kóbirek qýanysh syılaıdy», - deıdi Gúlmıra Ábdirasheva.
Aqpeıildiler klýbyn muqtaj adamdarǵa kómektesem deýshiler 2015 jyly qurǵan. Qazirgi ýaqytta klýbtyń quramynda respýblıkasy boıynsha 130 myń adam bar.