Aqparattyq týr: 2 kúnde 180 kelisimshart jasaldy
NUR-SULTAN. QazAqparat - Ortalyq kommýnıkatsııalar qyzmetinde ishki týrızmniń áleýetin yntalandyrý máseleleri talqylandy, dep habarlaıdy QazAqparat tilshisi.
Elimizdiń batysyndaǵy 4 oblystyń 12 týrıstik operatory otandyq kompanııalar úshin tuńǵysh ret uıymdastyrylyp otyrǵan aqparattyq týrǵa qatysyp jatyr.
20-30 mamyr aralyǵynda júzege asatyn sapar barysynda týrıstik kompanııalardyń ókilderi Nur-Sultan, Shymkent, Almaty qalalarynyń Aqmola, Almaty, Túrkistan jáne Shyǵys Qazaqstan oblystarynyń týrıstik oryndaryn aralamaq.
«Kazakh Tourism» ulttyq kompanııasynyń oqıǵalyq jobalar jáne is-sharalar departamentiniń dırektory Gaýhar Jeńisbektiń aıtýynsha, 2 kúnniń ishinde otandyq operatorlar men shıpajaılar arasynda 180-ge jýyq kelisimshart jasalǵan.
«Týrıstik kompanııalar shıpajaılarǵa neǵurlym kóbirek adam kelse, qyzmet qunyn arzandaýy múmkin. Osynyń esebinen jalpy qyzmet quny arzandaıdy. Bul álemdik praktıkada bar qubylys» - deıdi Gaýhar Jeńisbek.
Týrǵa qatysýshylar 2 kún boıy Býrabaı, Zerendi mańyndaǵy shıpajaılarda bolyp, búgin Shymkent qalasyna ushyp ketken. Ol jaqta operatorlar Saryaǵash kýrorttyq aımaǵyn aralap, Almatynyń mańyndaǵy shıpajaı nysandarymen tanysady. Aqparattyq týr Shyǵys Qazaqstan oblysynda aıaqtalmaq. Munda olar Óskemenniń irgesindegi «Nurtaý» shańǵy bazasy men «Rahman qaınary» kesheninde bolyp, buǵynyń qanymen emdeý ortalyqtaryn kóredi.
«Bul jolǵy týrǵa ishki týrızmniń shıpajaı-kýrort baǵytyn tańdap aldyq. Aldaǵy týrlarda basqa da baǵyttardy qamtımyz. 10 kúndik saparǵa bıýdjet tarapynan 16 mln teńge shamasynda qarjy bólingen», - deıdi «Kazakh Tourism» ókili.
