Aqparattyq tehnologııanyń damýy oqyrmanymyzben baılanysymyzdy úzbeýge septigin tıgizdi - Dáýren Qýat

NUR-SULTAN. QazAqparat - Koronavırýs pandemııasy gazet-jýrnaldarǵa aıtarlyqtaı keri áserin tıgizdi. Bul týraly otandyq BAQ salasyn damytý máselelerine arnalǵan dóńgelek ústel jıynynda «Qazaq ádebıeti» gazetiniń bas redaktory Qýat Dáýren aıtty, dep habarlaıdy QazAqparat.

– Іndet BAQ salasynyń ishinde gazet-jýrnaldarǵa keri áserin tıgizdi. Sheteldik baspasózderge de ońaı tımedi. Oqyrmandary belsendi Eýropanyń ózinde taralymy mol birneshe gazet jabylyp qaldy. Eýropadaǵy gazetterdiń mundaı ahýaly bizdi de aınalyp óken joq. Osy jıynnyń aldynda halyqaralyq «Qazaqstan dauiri» gazetiniń bas redaktory Ertaı Aıǵalıulymen, «Jas qazaq» gazetiniń bas redaktory Sraıyl Smaıylmen sóılestim. Qysyltaıań kezde bul gazetter shyǵarylymyn toqtatýǵa májbúr bolǵan. Bizdiń jýrnalıster osyndaı shaqta gazettiń saıtyna jumys istedi. Mysaly bizdiń «Qazaq ádebıeti» gazeti bir aıdaı jumysyn toqtatyp turdy. Biraq oqyrmandarymyzdan qalaıda qol úzbeý maqsatynda saıtqa kóńil bóldik. Sonyń ishindeı «kúı sherý» degen chellendj ótkizdik. Elde bolyp jatqan oqıǵalardy qalt jibermeı, qadaǵalap otyrdyq. Aqparattyq tehnologııanyń damýy oqyrmanymyzben baılanymyzdy úzbeýge septigin tıgizdi, – dedi D.Qýat.

Foto: turkestan.kz