Aqparattyq tehnologııalardyń zamanaýı talaptaryna jaýap beretin biryńǵaı aqparattyq júıe qurý qajet - Á. Smaıylov
A. Qańtardyń 23-i. QazAqparat /Ernur Aqanbaı/ - 2010 jyly «E-statıstıka» aqparattyq júıesiniń tehnıkalyq-ekonomıkalyq negizdemesin ázirlep,
aldaǵy úsh jylda aqparattyq tehnologııalardyń zamanaýı talaptaryna jaýap beretin biryńǵaı aqparattyq júıeni qurý qajet. Bul týraly QR Statıstıka agentiginiń búgingi alqa májilisinde vedomstvo basshysy Álıhan Smaıylov málim etti, dep habarlaıdy QazAqparat.
Onyń aıtýynsha, respondentter tsıfrlyq qoltańbany qoldana otyryp Agenttiktiń veb-portalynda on-laın rejiminde eseptilik blankalaryn toltyrý múmkindigine ıe bolýy tıis. Sharýa qojalyqtary jáne fermerlik sharýashylyqtarmen tıimdi jumys isteý úshin Call-ortalyqty qurý qajet. Bul aparattardy telefonmen alý jáne ony tsıfrlaý jáne odan ári óńdeý úshin kerek. «Paıdalanýshylar yńǵaıly ınterfeıs arqyly agregattandyrylǵan statıstıkalyq málimetterge qol jetkizý múmkindigine ıe bolýy tıis. Bul rette aqparattyq-taldamalyq júıe jáne geoaqparattyq júıe kestelik, grafıkalyq jáne geografııalyq múddege qajetti aqparattardy alýǵa múmkindik berýi tıis», dedi ol. Sonymen qatar Á. Smaıylov ákimshilik kózderden málimetterdi alý arqyly da respondentterge túsetin júktemeni azaıtýǵa bolatynyn aıtty. «Kóptegen memlekettik organdarda qajetti aqparat bar. Atalmysh aqparattar óńdeý jáne agregattandyrylǵan statıstıkalyq kórsetkishterdi qalyptastyrý úshin ákimshilik málimetter bazasynda jınaqtalatyn bolady», dedi ol.
