Aqparattyq tehnologııalar salasynda jańa qylmys túri tirkeldi
ASTANA. Qarashanyń 9-y. QazAqparat /Aıdar Ospanalıev/ - Aqparattyq tehnologııalar salasynda jańa qylmystyq amaldar paıda boldy. Alaıaqtar ózderiniń jymysqy áreketterin endi ınternet pen uıaly telefondardyń sım-kartalaryn paıdalaný arqyly júzege asyrýda. Bul týraly búgin Іshki ister mınıstrliginiń Krımınaldyq polıtsııa komıtetiniń Asa mańyzdy ister jónindegi aǵa jedel ýákili Marjan Maýsymbekova aıtty,
dep habarlaıdy QazAqparat.
Onyń sózine qaraǵanda, jaqynda Pavlodar oblysynda turǵyndardyń birinen aryz túsip, atalmysh aryz negizinde alaıaqtyq áreket jasady degen aıyppen qylmystyq is qozǵalǵan. Shaǵymdanýshynyń aıtýynsha, belgisiz bireýler kelip, azdaǵan somaǵa Kcell korporatıvtik abonenttik baılanys nómiriniń tórteýin satyp alý jóninde usynys jasaǵan. Alǵash satyp alǵan kezde nómirde eshqandaı da qaryz bolmaǵanymen bir aıdan soń uıaly baılanys operatory oǵan 1,8 mıllıon teńge qaryz ekendigin málimdegen. «Mundaı alaqtyq áreketti biz alǵash ret kezdestirip otyrmyz. Osyǵan baılanysty mán-jaıdy anyqtaı kele biz mynadaı faktilerdi kezdestirdik. Reseıdiń Sankt-Peterbor qalasynda tirkelgen arnaıy saıt arqyly belgisiz bireýler qazaqstandyq azamatqa satylǵan nómirlerden túrli sms habarlar jiberip otyrǵan. Jiberilgen habarlardyń kóptigi sonshalyq, ol 1,8 mıllıon teńgeni quraǵan. Qazirgi tańda bul is boıynsha tergeý, izdestirý sharalary júrgizilýde. Biz reseıdegi saıt ıesiniń bul iske qatysy joqtyǵyn anyqtadyq. Endi oǵan kináliler izdestirilýde», dedi Krımınaldyq polıtsııa komıtetiniń ókili.
