Aqparattyq tehnologııalar men aqparattyq qaýipsizdik boıynsha joǵary oqý oryndary arasynda olımpıada ótedi
ASTANA. 3 sáýir. QazAqparat - Olımpıadaǵa qatysýǵa tehnıkalyq oqý oryndarynyń 3, 4 kýrs stýdentteri men magıstranttary shaqyrylady.
Ótinimdi 2013 jylǵy 2 sáýir men 4 sáýir aralyǵynda http://olimpiada.ctsat.kz saıtynda berýge bolady. Bul týraly QR Kólik jáne kommýnıkatsııa mınıstrliginiń baspasóz qyzmetinen habarlandy.
Atalǵan bilim saıysyn Memlekettik tehnıkalyq qyzmet RMK jáne Qaraǵandy tehnıkalyq ýnıversıteti uıymdastyryp otyr.
Olımpıada «Aqparattyq tehnologııalar jáne aqparattyq qaýipsizdik», «Radıotehnıka jáne telekommýnıkatsııa» atty eki sektsııa boıynsha ótedi.
Olımpıadaǵa qatysý arqyly bolashaq mamandar kúrdeli teorııalyq tapsyrmalardy sheshýde óz kúshterin synǵa salyp, tájirıbe almasady. Sonymen birge, olımpıadaǵa qatysýshylar QR Kólik jáne kommýnıkatsııa mınıstrligine qarasty «Memlekettik tehnıkalyq qyzmet» RMK qyzmetkeri atanýyna áleýetti úmitker bolyp tabylady. Zııatkerlik saıysqa qatysý tegin, al jeńimpazdar smartfon jáne planshet sekildi baǵaly syılyqtarǵa ıe bolady.
