Aqparattyq tehnologııa salasyndaǵy kásiporyndardyń kirisi 5 jyldyń ishinde 90-nan 242 mlrd. teńgege deıin ulǵaıady
ALMATY. Naýryzdyń 20-sy. QazAqparat /Erlik Erjanuly/ - Aqparattyq tehnologııa salasyndaǵy kásiporyndardyń kirisi byltyr 90 mıllıard teńgeni qurady.
Bul jaıly keshe Almatyda ótip jatqan «Software Engineering Summit-2010 Qazaqstan» forýmynda aıtyldy, dep habarlaıdy QazAqparat.
Aqparattyq tehnologııa salasyndaǵy kásiporyndardyń kirisi byltyr aldyńǵy jylmen salystyrǵanda 9 paıyzǵa kemip, 97-den 90 mıllıard teńgege deıin azaıǵan bolatyn. Kompıýterlik qural-jabdyqtar shyǵyny aqparattyq tehnologııalyq qyzmet shyǵyndarynan 5 esege asyp tústi.
Indýstrııa jáne jańa tehnologııalar mınıstrliginiń Damýshy salalar departamentiniń joǵary tehnologııa salasy basqarmasynyń bastyǵy Baqytjan Bıtemirovtiń aıtýynsha, 2010-2014 jyldary jyl saıynǵy ósim kompıýterlik qural-jabdyqtarda 12 paıyzdy quramaq. Al ol lıtsenzııalyq baǵdarlamamen qamtamasyz etýde - 26 paıyz, aqparattyq tehnologııalyq qyzmette 27 paıyzǵa deıin ósedi. Kásiporyndardyń kirisi kompıýterlik qural-jabdyqtarda - 69-dan 147 mıllıard teńgege, lıtsenzııalyq baǵdarlamamen qamtamasyz etýde - 7-den 36 mıllıard teńgege, aqparatyq tehnologııalyq qyzmette 14-ten 58 mıllıard teńgege deıin artady dep josparlanýda.
