Aqparattyq-taldaý ortalyǵyna A.Baıtursynulynyń esimi berilmek

ASTANA. QazAqparat – Oqý-aǵartý mınıstrligine qarasty «Aqparattyq-taldaý ortalyǵynyń» ataýy «A. Baıtursynuly atyndaǵy Bilimdi zertteý men baǵalaýdyń ulttyq ortalyǵy» AQ bolyp ózgertilmek.

Bul týraly «Ashyq» NQA portalynda jarııalanǵan Úkimet qaýlysynda kórsetilgen, dep habarlaıdy QazAqparat tilshisi.

«Aqparattyq-taldaý ortalyǵy» aktsıonerlik qoǵamy A. Baıtursynuly atyndaǵy Bilimdi zertteý men baǵalaýdyń ulttyq ortalyǵy aktsıonerlik qoǵamy bolyp atalsyn. Qazirgi ýaqytta «Aqparattyq-taldaý ortalyǵy» AQ «Ulttyq bilim berý derekter qory» AJ kórsetkishteri negizinde bilim berý salasyndaǵy zertteý qyzmetimen aınalysady. Sonymen qosa, taldaý jumystaryn júrgizedi jáne bilim berý júıesiniń ahýaly men damýy týraly ulttyq baıandamany ázirleıdi. Ortalyq Qazaqstanda bilim sapasyn baǵalaýdyń halyqaralyq salystyrmaly zertteýlerine (PISA, PBTS, TALIS, TIMSS, ICILS, PIRLS) qatysýy arqyly bilim sapasyn baǵalaýdy júzege asyrady», - dep jazylǵan qaýlyda.

Qujatta kórsetilgendeı, bul bastama Ahmet Baıtursynulynyń aǵartý isindegi tarıhı rólin eskere otyryp usynylǵan. Jobany iske asyrý úshin respýblıkalyq bıýdjetten qosymsha qarajat talap etilmeıdi.

Qaýylyny ashyq talqylaý 5 jeltoqsanǵa deıin jalǵasady.

Ashyq kózderden alynǵan foto